President Duterte Must Fight His Detractors Silently

President Rodrigo Duterte

Hindi magandang senyales ang nakikita kong pakikipag-word war ni President Rodrigo Duterte sa noon pa ay tinagurian na niyang “attack dog” ng Noynoy Aquino administration na si Senator Antonio Trillanes IV. Lalong hindi rin nararapat na maging emotional ng ating presidente sa mga “kahol at banat” ng isang senador na halos patapos na ang termino. Mas nararapat siguro na huwag na lang niya itong pansinin dahil mentras sinasagot niya ang mga patutsada ng kalaban at detractors, mas lumalakas ang kahol nila at tuwang-tuwa sa mga nagiging kaganapan.

Sa isang digmaan, ang laging tinutuklas at hinahanap ng mga kalaban sa kanilang katunggali ay ang kanilang kahinaan. Ito ang nakikita kong kinakasangkapan ngayon ng mga opposition and Duterte detractors. They knew that President Duterte is really an “emotional person”. Madali itong madala sa simbuyo ng kanyang damdamin sa kung ano ang kanyang nakikita at naririnig. Ito rin ang dahilan kaya naririnig natin na nakapagmumura siya at madaling magalit. Kabaligtaran ito ng ugaling “manhid” ni Noynoy Aquino na sa kawalan ng emosyon, nagawa nitong ipa-massacre sa mga kalaban ang SAF 44.

Sa totoo lang, hindi na kailangang pansinin ni President Digong ang mga taong bumabatikos sa kanya. He is a sitting president now, at hindi ito panahon ng election campaign. Katunayan ang isyu ng kanyang “bank account” ay recycled na lang ni Trillanes at ni hindi nga ito naka-epekto sa kanyang kandidatura noon. Ibinoto na siya ng majority of the voting populace at ang dapat na lang atupagin ni President Duterte ay ang pagtatrabaho dahil siya na rin ang nagsabi na he is just a worker in government.

Ang tanging maipapayo ko kay President Duterte is “to fight his detractors silently”. Ang isang matalinong mandirigma ay hindi masalita para hindi mabasa ng kalaban ang kanyang gagawing strategy to destroy them. The President have all the power to do this. Ibinoto siya ng majority of the people, meron din siyang mataas na satisfaction and trust ratings. Nakikita ng mas nakararaming mamamayan ang kanyang pagsisikap na puksain ang mapaminsalang droga. Nakikita rin ng taong bayan ang kanyang malasakit at pakikidalamhati sa mga nasasawing sundalo at pulis na nasasawi sa kanyang war on drugs at mga terorista sa Marawi City. Nalalaman din nila ang kanyang plano at vision na mapaunlad ang ating bansa sa mga infrastructure na sinisimulan at sisimulan pa lang.

More action and less talk is more than enough for the Filipino people. Dito sinusukat ng taong bayan ang isang lider. Let the liars and opposition propagandist against the Duterte administration die a natural death. Ang “sustansiya” kaya sila nabubuhay pa, ay dahil pinapatulan ni President Duterte ang mga sinasabi nila, particularly the barking of Senator Trillanes. To tell you, ang anumang “germs” na nagmumula sa maaanghang na salita ni President Duterte ang ginagamit nilang panlaban. Kung baga sa namimingwit, gusto nilang hulihin ang isda sa pamamagitan mismo ng bibig nito.