Quo Warranto: Another tools to Slay a Giant

Ang pagpapatalsik kay Ma. Lourdes Sereno bilang punong mahistrado ng korte suprema ay masasabing isang napaka-controversial na desisyon. Ito ay ginawa ng mismong katas-taasang hukuman na itinuturing nating “the last arbiter of the law”. Maging ako na dating estudyante ng batas noon ay medyo nanibago dahil sa aking pagkakaalam ay tanging ang impeachment trial lang ang maaaring makapag-patalsik sa puwesto sa isang impeachable official dahil ito ang nakasaad sa ating saligang batas. Ganoon man, dahil nag-file ng “quo warranto” petition sa korte suprema ang Solicitor General, and used it as another tool to remove the sitting chief justice and at the same time an impeachable officer under our constitution, maging ako ay tumutok sa magiging kaganapan. Mistula kasi itong isang “secret weapon” na binuksan and I am interested to see what’s in store for this weapon. At ‘yun na nga, binulaga ang lahat na that tool can be used “to slay a giant”. Sa botong 8-6 nanaig ang Quo warranto petition of Solgen Calida removing Ma. Lourdes Sereno as Chief Justice.

Now, let us see, and analyze why that tool (quo warranto) slay the giant? Himayin natin ito ng punto por punto. Former chief Justice Ma. Lourdes Sereno is the one who are sitting in the throne. Siya ang pinaka-reyna sa kataas-taasang hukuman sa ating bansa. So, ang tingin natin sa kanya ay isa siyang “dalisay”, “puro” at “walang bahid-dungis” sa kanyang kinaluluklukang pedestal. Isang reyna na nagtataglay ng katalinuhan, katapatan, kakayahan at “wisdom” na karapat-dapat sa posisyon na ibinigay sa kanya. Ang problema, habang siya ay nanunungkulan, may mga bagay na nasilip sa kanya, at ito nga ay ang  “closet of skeletons” na kanyang itinatago. May nag-file ng impeachment sa kanya sa kongreso, courtesy of Atty Larry Gadon. All of this was revealed in the house of congress kung saan hinimay dito ng isa-isa ang mga nakatago niyang kalansay and presto biglang nagliwanag ang “dilim” na kanyang itinatago.

Kung si former chief justice Renato Corona (now deceased) removed from his office on the basis of his defective SALN (Statement of Assets, Liabilities and networth), and ipinalit pala sa kanyang chief justice na si Ma. Lourdes Sereno ay hindi nag-file ng kanyang SALN nang ilang taon bago pa man siya naupong punong mahistrado ng kataas-taasang hukuman. Ito’y isang tandisang paglabag sa batas na umiiral tungkol dito and yet she was appointed to that highest position. So, lumilitaw na ang naluklok na punong mahistrado sa katas-taasang hukuman na itinuturing din nating katangi-tanging posisyon dahil tinitingala  bilang the last arbiter of the law of the land ang siya pala mismong “law breaker”. Now, puwede pa ba natin siyang tingalain sa  pedestal na kanyang kinaluluklukan bilang puro at dalisay? Can we fool ourselves and just shrug our shoulder and take it as if, balewala lang?  Nakasisiguro ako na kapag umabot ang kaso ni CJ Sereno sa Senado for impeachment trial ay mapapatalsik din siya, unless of course ang tingnin niya sa ating mga senador ay puwedeng himasin, pakiusapan o kaya ay kaya niyang bolahin dahil baka iniisip niyang mga “bopol” ito at karamihan ay walang alam sa batas.

So, alam na natin ngayon kung bakit ginamitan si former CJ Sereno ng isa pang tool (quo warranto) to removed her at hindi na makayapak sa senado. Inaakala ng mas nakararaming SC justices na ang pagkakatalaga kay Ma. Lourdes Sereno sa hinahawakang posisyon ay “void ab initio” o walang bisa simula pa lang sa kanyang pagkakaluklok. Merong nilabag na batas at requisites, at ito nga ay ang hindi niya pagsusumite ng kumpletong SALN nang siya ay i-appoint. Kung wala ngang bisa ang kanyang pagkakatalaga bilang Chief Justice mula sa simula, sino ang ii-impeach natin? Kung hindi nasunod ng mahigpit ang itinatadhana ng batas sa pagtatalaga ng isang punong mahistrado, despite she was appointed by President Noynoy Aquino at nanungkulan na nang mahabang panahon, hindi siya maituturing na totoong chief justice. Ganoon marahil ang pananaw ng mas nakararaming SC Justices, except of couse kung ang SALN ay itinuturing lang na “a piece of paper” na tulad ng paniniwala ni Justice Marvic Leonen. (Siguro dapat na ring silipin ngayon kung ang Justice Leonen na ito ay nagpa-file din ng SALN dahil sa katuwiran niyang bulok)

Ang argumento ng kampo ni CJ Sereno na parang “batang nagtuturo” to justify her fault na ang mga associate justices rin daw na nasa SC ay kulang-kulang din ang SALN. Ito ay walang saysay at kabuluhan. Si CJ Sereno ang nakaupo sa “hot seat” at hindi sila. Sa mga nagsasabi naman na ang quo warranto raw ay isang daan na binuksan para madaling matanggal kahit na ang mga impreachable official. Ito rin daw ay isang panganib sa ating demokrasya at kalayaan ng hudikatura? Huwag po kayong maniwala dito. Basta ang lagi lang ninyong tatandaan, kung nag-aaspire kayo ng mataas na katungkulan sa ating gobyerno particularly those who are appointed, ang pagiging tapat ninyo sa sarili at sa Diyos, ang pagsunod sa mga batas na umiiral, ang malinis na kunsensiya at pamumuhay at ang katapatan sa paglilingkod  ang inyong magiging “kalasag” para hindi kayo matanggal sa puwesto. Kahit pa po isang libong quo warranto ang ipukol sa inyo, you can still survive and live with dignity.

Sa kaso ni former CJ Ma. Lourdes Sereno, hindi ganito ang nakikita ko and she pays the price.