Adding Insult to Injury

Bagamat lalabag sa ating saligang batas, sa usapin ng pagkakapantay-pantay, may nasisilip akong “sense” sa sinabi ni Senator Mirriam Defensor Santiago mga kabalat ko. Ano po ito? Na ang dapat na lang daw na pabotohin sa eleksiyon ay ang mga mamamayang nagbabayad ng buwis at direktang nag-aambag ng kanilang “hard earned taxes” para sa “kaban ng bayan” pero sinisindikato naman ng mga buwayang kung tawagin pa po natin ay mga “honorable Senators and Congressman”.

Ano po ang katuwiran ni Madam Miriam? Dahil kung sino pa po ang mas nakararaming hindi nagbabayad ng buwis at madaling i-corrupt ng mga pulitikong namimili ng kanilang mga boto kapag may eleksiyon, sila pa ang nakapagluluklok sa puwesto ng mga tiwaling pulitiko at opisyal ng ating gobyerno. May sense ‘di po ba mga kabalat ko?

Sa nabunyag na “pork barrel scam” (thanks GOD), mas magiging maingat  ang mga botante nating taxpayers kung sino ang dapat ihalal sa puwesto.  Iyong mga taong inaakala nilang hindi mandadambong sa kaban ng bayan at kung ano talaga ang function nila (bilang mambabatas), ito na lamang ang kanilang tututukan (at hindi mag-refer ng mga bogus NGO at mangomisyon) 

Let’s take a look mga kabalat ko. Sino sa akala ninyong “responsableng botante” ang boboto kay Senator Bong Revilla, Jinggoy Estrada, at iba pang  ka-alipores nilang taga mundo ng pelikula ganoon din sa mga misis o kaanak nila? Mga artistang binigyan nila ng function para gumawa ng batas, pero ang tanging credentials na inilahad sa  ay ang sikat nilang pangalan? Sila ba ang mga botanteng may talino at nag-iisip o kaya ay nagbabayad ng tamang buwis? 

Maaring may ilan sa kanila na nagbabayad ng buwis, pero sad to say,  “hindi naman gumagamit ng isip”. Ang nakalulungkot, sila ang bumubuo ng majority vote at  sa ginawa nilang desisyon na paghahalal ng mga ganitong mga pulitiko, lahat tayo ay apektado, nagdurusa at naghihirap.  Buwis po natin ang ipinadambong nila sa iniluklok nilang mga personalidad and “adding insult to injury” ano po ang alibi  ng isa sa artistang iniluklok nila? Hindi raw po niya trabahong alamin kung “bogus” o hindi ang NGO  o Foundation na kanya mismong ini-refer sa implementing agency para paglaanan ng milyon-milyong pork barrel na ipinagkatiwala sa kanya, ng sambayanang Pilipino. Anong klaseng mentalidad meron ang taong ito na inyong ibinoto? Hindi ba sapat ang sinabi niya para tayong lahat ay ma-offend, sumulak ang dugo sa galit at pagka-inis? Para bagang sinabi niyang, may pakialam siya sa kanyang pork, as a lawmaker, pero wala siyang pakialam mapunta man sa bogus at bulsa ng ibang tao ang milyong salapi na ipinagkatiwala sa kanya.

Masakit ‘di po ba mga kabalat ko? Pero, just relax. Huwag ninyong masyadong itodo ang galit dahil baka naman kayo na-stroke. Idaan na lang ninyo sa mga “outlet” na maaari ninyong i-release ang inyong pagkadismaya sa mga nangyayari sa ating gobyerno. Sa mga Netizen na gaya ko, i-tweet ninyo, i-facebook, o kaya ay i-blog, ang inyong mga sentimiyento para ma-release kahit paano ang inyong pagkadismaya. Puwede ring maki-isa kayo sa mga rally na patungkol po dito.

Pero teka, mga artista lang ba ang dapat nating pag-ingatang maluklok sa puwesto? Paano na iyong mga lawyer na “sobra naman ang talino” at ipinagyayabang na hindi pa raw siya natatalo sa hinawakang mga kaso sa panahon ng kanyang pagiging abugado. Taong ang hangad ay maging happy tayo? 

Well, this time,  natitiyak kong “sad” ang lahat  mga kabalat ko. Aabangan ko na lang ang susunod na kabanata, kung sa pagkakataong ito ay "matatalo" na siya sa kakaharapin niyang kaso. Tama lang na maging maingat sa pagpa-file ng kaso ang DOJ. Tiyaking "pulido at walang butas” na makikita dahil ang matalino sa batas, ay ang butas na kanyang lulusutan ang hahanapin at titibagin. Kapag nangyari ito, tiyak na lusot din sa kaso ang mga “dabarkads” niya na sa kanyang depensa sasandal.