Mga Batik sa Tuwid na Daan

At last, may nakasuhan nang kaalyado si PNoy na nakasakay sa kanyang band wagon na ang tinatahak daw ay “tuwid na daan”.   Ito nga ay ang pinuno ng Bureau of Custom  na si Raffy Biason.  Nakalulungkot dahil isa sa hinahangaan kong Heneral na naging senador ang kanyang ama. Nabanggit din sa akin ng misis ko na nakalaro pa nga raw niya itong si Raffy noong  bata pa siya ng tumbang preso nang minsang manirahan sila noon sa Paranaque malapit sa bowling-an. Nakikipanood pa nga raw siya ng TV sa bahay ng mga Biason  kung saan, pawang papuri ang sinasabi niyang  kabaitan ng pamilya Biason. 

After many years,  naging Congressman  nga si Raffy at nang hindi palarin sa halalan bilang Senador, siya po ang natalaga bilang pinuno ng Bureau of Custom ng kanyang kaalyadong si President Noynoy Aquino. Nang mabunyag ang pork barrel scam at masangkot ang mga mambabatas (Congressman at Senador)  dito na nga po sinampahan ng kaso, batch by batch ng DOJ ang mga mambabatas na naglaan ng kanilang PDAF  sa bogus NGO ni Janet Napoles. Unfortunately, isa si Raffy Biazon sa lumutang ang pangalan.

Bagamat maliit ang less than two million pesos mula sa kanyang PDAF na nailaan sa fake NGO ni Jane Napoles compare sa daan-dang milyong piso na  di-umanoy  mula naman sa PDAF ng tatlong senador (Revilla, Enrile and Estrada) ang batik na nagawa nito sa kanyang pangalan ay mahirap nang mabubura.  The fact na may nai-channel na salapi sa fake NGO ni Napoles,  kahit anong paliwanag po  ang gawin ni Raffy Biason na nagamit ng tama ang kanyang pork barrel, wala pa rin pong maniniwala sa kanya. Sa ganitong sitwasyon, hindi na niya kailangang sibakin pa siya ni President PNoy sa puwesto.  Siya na ang dapat magkusang umalis sa kanyang puwesto lalo pa’t nasa Bureau of Custom siya.  Ahensiyang   si PNoy mismo ang nagsabi sa kanyang SONA noon na  “saan daw kumukuha ng kapal ng mukha” ang mga tiwaling opisyal nasa tanggapang ito.

Ito nga po ang ginawa niya dahil naghain na siya ng kanyang irrevocable resignation. Isang indikasyon na meron pa ring natitirang delikadesa sa kanyang pagkatao. Karakter na hindi po natin nakita sa tatlong topnocher sa pandarambong na mga  senador na una nang nasampahan ng plunder case sa Ombusdman. 

Sa ating batas na umiiral, bagamat may kanya-kanyang grado ng kaparusahan sa bawat  pagkakasa ng tao, depende sa bigat at gaan ng krimeng nagawa. Hindi po ito maaaring i-apply sa tanggapang ang number one requirement para sa posisyon ay “trust and confidence”.  Maliit  man o malaki ang involved na salaping dinambong, ang tiwala po ng tao ay “naglaho”  na sa taong gumawa nito. Kung baga sa isang puting papel, kahit isang patak lang na  tinta ang matapon dito ay agad nating makikita. Katulad  din po sa tuwid na daan ni PNoy. Ang isang humps o bako na nasa karsadang kanyang nilalandas ay natitiyak kong magpapakaldag sa kanyang sinasakyang  kariton.  Ano ang nararapat? Kalusin ang humps na ito para manatiling matatag ang takbo ng kanyang kariton. Sa nakikita ko, hindi lang po isa, marami pa pong humps sa administrasyong PNoy,  at kung hindi niya ito gagawan ng aksiyon, baka ito ang maging dahilan para madiskaril ang kanyang hilang kariton bago matapos ang kanyang termino.

 

 Manalangin po tayo

 

Panginoon po naming Diyos, may nasama na at nalaglag sa mga kaalyado ni PNoy na nasampahan ng katiwalian sa Ombudsman. Nalalaman po namin na marami pang ganitong “uod” sa loob ng kanyang bakuran at nakasakay sa kanyang kariton na hinihila. Hinihiling po namin sa iyo na tulungan mo kaming ilantad ang mga salot na ito. Mabuking din sila sa ginawang mga katiwalian at masampahan ng kaukulang kaso ayon sa ginawa nilang mga kasalanan. Sana, ay kunsensiyahin mo rin po ang ibang mga senador at congressman na “makakapal ang mukha” na magbitiw na rin sa kanilang mga posisyon. Kung hindi man po sana sila marunong mahiya sa harap at mata ng mga taong bayan na nagmamasid sa kanila, sana po ay sa IYO man lamang sila makaramdam nito. Dahil ikaw Panginoon naming Diyos ang higit na nakaaalam. Hindi po ang kanilang mga mukha ang iyong binabasa kung hindi ang kanilang mga kaluluwa, at hindi rin ang kanilang mga sinasabi  ang iyong naririnig kung hindi ang laman ng kanilang mga isip

.

Marami pong salamat Panginoon naming Diyos. Nawa’y narinig mo po ang aming panalangin sa IYO. Hinihiling po naming ang lahat ng ito sa pangalan ng aming tagapagligtas na si Hesukristo.

Amen