Vice President Lost in 2016 Presidential Election

Vice President Jejomar Binay

Nanaginip ako. Isa itong pangitain sa hinaharap. I saw VP Jejomar Binay lost in the coming 2016 Presidential election. Hindi lang naging malinaw sa aking pangitain kung sino ang nagwagi.  Ganoon man, kahit isa lang itong pangitain sa aking panaginip, it’s a welcome relief para sa akin. 

Sa totoo lang, mula nang mabuking at buksan ng “best friend” at former Vice Mayor ng Makati na si Ernesto Mercado ang mga “lihim” sa Pandora’s box ni VP Binay, isa ako sa na-shocked sa aking nalaman. Sabi ko nga, maybe, it’s GOD’s intervention. Maaaring may mabuting dahilan ang pagkakabunyag na ito sa sambayanang Pilipino. 

Ilan sa posibleng matanim sa utak ng ating mga botante, kaakibat ng pangalang BINAY ay ang mga naging popular words ngayon na: “overpriced”,  biding-bidingan”, “Hacienda Binay”, “dummy” “condominium” at iba pang mga kataga na posibleng lumitaw o mauso  sa mga susunod pang hearing sa senado. Idagdag na natin dito ang mga pangyayari in the past na natanim din sa kanilang isip, gaya  ng: “di pagdalo ni VP Binay sa imbitasyon ng mother committee ng Blue Ribbon gayong una na siyang nagsabi na dadalo dito. Ganoon din ang kanyang paghahamon ng debate kay Senator Antonio Trillanes na nang tanggapin ay siya naman itong umatras. Ito’y mga negatibo at pangit na anyo na maaalala ng mga botante kapag nabasa nila ang pangalang BINAY sa balota sa oras ng eleksiyon.

Sa mga inilalantad ng former ally ay best friend ni VP Binay na kanyag “kabulukan” noong panahong sila ay magkasama sa di umano’y “sindikato”,  ang posibleng maging “waterloo” ng mga Binay sa mundo ng pulitika.  Ito rin ang magiging dahilan ng di na pagiging normal na takbo ng kanilang mga buhay sa hinaharap. Ang mga multong nalantad ay di kayang pabulaanan ng ordinaryong “denial”  sa harap ng media at mga taong kanyang pinupuntahan para mangampanya. Maaaring nakikita niyang nakangiti ang mga taong nakaharap sa kanya at tila nabobola, habang siya ay nagsasalita.  Pero ang totoo, nasa kaibuturan ng kanilang mga puso ang pagdududa, pag-aalinlangan sa kanyang sinasabi. Posible ring kapag nakatalikod, ay ismid at lumulura sila and it’s VP Binay’s dilemma right now. If my vision in the future is right, ngayon pa lang ay unti-unti nang natitibag ang pangalang BINAY. Kung ang pag-uusapan naman ay ang mga botante natin. May iba’t ibang classification akong ginawa sa  mga botanteng Pinoy. 

Ang una ay ang “the thinking class”. Sila ang mga botanteng gumagamit ng talino at isip sa pagdedesisyon. Alam nila ang mga isyu. Ang mga nagaganap sa ating gobyerno at sa mundo ng pulitika. Marunong silang mag-analisa, at sumagot sa isyung itinatanong sa kanila. Sa mga usaping apektado ang bansa at mamamayan. Alam nila kung sino at kung bakit nila iboboto ang isang kandidato.

Ang pangalawa ay ang “the fanatics. Dito kabilang ang mga alagad o tagasunod ng isang pulitiko. Sa kanila, kahit  pinakamasama o pinaka-mandarambong pa ang kanilang susuportahan ito pa rin ang kanilang iboboto.  Ang motto ng mga ito ay “walang iwanan”. Ang kanilang iniisip ay sariling interest at ng kanilang iniidolong pulitiko, hindi ang kapakanan ng ating bansa at mga mamamayan.

Pangatlo ang “the mercenaries.” Sila ang mga botanteng “bayaran”. Wala silang pakialam sa kung ano ang mangyayari o kahihinatnan ng ating bansa sa lider na kanilang iboboto. Ang pangunahin nilang layunn ay ang salapi o pakinabang na kanilang makukuha sa oras ng eleksiyon.

Pang-apat ang “the ignorant.” Sila ang klase ng mga botanteng “walang alam”.  Kapag tinanong sila tungkol sa isang isyu na pinag-uusapan ay kadalasang walang maisagot. Kung meron man, irrelevant ito at malayo ang pagkaka-intindi niya sa topic. Unfortunately, maraming ganito sa ating voting populace, ganoon man 50-50 ang kanilang boto. Sila kasi ang puwede at madaling ma-impluwensiyahan ng magkabilang partido na naglalaban sa eleksiyon.

Pang-lima ang “the silent majority. Nasa hanay ng mga botanteng ito ang “undecided” voting populace. Not necessarily, na wala silang alam pero ang siste, “ayaw munang makialam”. Sa kanila posibleng nakahalo ang ibang thinking class, at ignorant na tahimik lang at ayaw munang sumawsaw sa mga isyu. Sila ang kapag nagdesisyon ay kapag nasa presinto na para bumoto kaya walang nakaaalam kung sino ang kanilang susuportahang kandidato.

At ang ika-anim at pang-huli ay ang ‘the flock. Dito kabilang ang mga botante na kaanib sa iba’t ibang religious organization. Pagkaka-isa at ‘di pagkakahati-hati ng magkakapatid ang kanilang itinataguyod. Ganoon man, iisa lang ang nalalaman kong gumagawa ng ganito. Ang iba ay watak-watak pa rin although, ang  impluwensiya ng kani-kanilang mga religious leaders ay may malaki ring bentahe sa kanilang mga member kapag nag-endorso.

So, kung ang ang presidential bid ni VP Binay sa 2016 ang ating pag-uusapan, tiyak na “bagsak” na siya sa “the thinking class”. Ganoon man, babawi siya sa kanyang mga “the fanatics” pero ‘di ito sapat para siya ipanalo. Kailangan niyang maglabas ng maraming “gold” para ipambayad sa “the mercenaries”.  Kung broke siya sa oras ng eleksiyon at walang campaign funds na pumasok, ang posibleng balingan niya ay ang “the ignorant”. Nasa hanay ng mga ito ang puwedeng bolahin, pagsinungalingan, o linlangin.  

PERO, sabi ko nga, 50-50 ang labanan dito, “pagalingan ng panliligaw” kung baga. Kung mas magaling mag-speech ang kalaban ni VP Binay at maipaliliwanag sa mga ignorant ang “katotohanan” para sila imulat sa tunay na isyu, puwedeng mabaling sa kanila ang suporta. However, kung magaling naman si VP Binay sa mga promises at sasabihing “kung ganito kami sa Makati, ganito rin ang gagawin ko sa buong Pilipinas” habang nagbibigay ng tig-iisang cake sa mga taong nakikinig sa kanyang campaign speech, posible ring sa kanya bumoto ang mga ito. 

Kapag hindi pa rin nakakuha ng sapat na suporta sa hanay ng mga botanteng, the fanatics, the mercenaries and the ignorant, si VP Binay, tiyak na sa “the silent majority” siya kakalap na kapupunan ng kanyang boto para manalo.  Dito ay ‘di siya nakasisiguro. Maaring silent lang ang mga botanteng kabilang sa mga ito, pero meron pala silang alam sa mga nangyayaring kaganapan at mga isyu na naglalabasan. Puwede ring wait and see lang muna sila at ‘di makapagdesisyon dahil di pa sumasagot si VP Binay sa mga akusasyon ng katiwalian na ipinupukol sa kanya. Na kapag nanatiling nagtago, umiwas at ‘di humarap si VP Binay sa Senate inquiry, para linisin ang kanyang pangalan at pagkatao, maaaring “guilty” ang maging “verdict” sa kanya ng the silent majority at dedesisyunan nila ito pamamagitan ng balota.

Maari namang mahirapan si VP Binay kung ang boto ng “the flock” ang pag-uusapan He must “clean his hand first” bago siya lumapit sa mga ito at kunin ang pag-endorso. May kinalaman sa moralidad ang isyu na ibinabato sa kanya. Ang “pandarambong” at “pagsisinungaling”. Kung ngayon pa lang ay umaatras siya, nagkukubli at ayaw harapin ang mga taong nag-aakusa, wala siyang mukhang maihaharap sa mga religious organization na ito. Ewan ko lang kung may “magpapabayad” o “magpapabola” sa kanila at the expense of their own flocks. Alam ng mga kaanib sa mga religious organization na ito na “hindi nagtago” si Jesus Christ nang akusahan at litisin sa salang ibinibintang sa KANYA. Hinarap niya ito, kahit alam niya na dalamhati, at pagdurusa ang kanyang kakaharapin habang nakapako sa Krus. 

Sa Senate hearing, hindi ipapako si VP Binay sa krus. Sa halip, gusto siyang mabigyan ng tsansang linisin ang kanyang pangalan at pagkatao. Kung baga sa putik, pinaliguan siya ni Vice Mayor ng “mabahong burak”, and now it’s his chance para “maligo” sa banyo ng senado at sabunin ang burak na iyon na ikinulapol sa kanya. No more alibis, reasoning, etc, etc, na tila baga ginagaya si Floyd Gayweather  sa pag-iwas nito kay Pacquiao. Sagutin niya ng face to face kung “totoo o hindi” ang bintang na katiwalian ng dati niyang “disciple” na si Vice Mayor Ernesto Mercado, at ang mga dokumentong iwinawagayway na ebidensiya laban sa kanya.

Remember, hindi spokesman ni Jesus Christ ang nagsasalita at humaharap para sa kaya at lalong hindi rin isang “piece of paper” ang  ipinadala nito kay Pilato para pabulaanan ang mga paratang sa kanya. The son of GOD humbly submitted HIMSELF and embraced with love the people who accuse and nailed HIM in the cross.  Vice President Binay is not yet the President of the Republic of the Philippines, but he thought  that in his position now, he is already “high and mighty”. Paano na kung siya na ang nasa top position?

Anyway, in my dreams, I saw, VP Binay lost in 2016 Presidential election. Ang aabangan ko na lang ay kung magkakatotoo ito o hindi.