Anong Klaseng Lider si Presidente Noynoy Aquino? (Part 3)

Isang maituturing na editorial image na ginawa

ng isang Netizen reflecting what kind

of leader we have now in the

Philippines

Kamakailan, malinaw ang narinig kong sinabi ni Senator  Osmena nang ilarawan niya kung anong klaseng lider si PNoy. “Super hard headed” daw ito.  Meaning, sobrang matigas ang ulo. So, minabuti kong idagdag ang kanyang pananaw na ito tungkol sa kung anong klaseng lider si President Noynoy Aquino.  May punto siya sa pagsasabi nito. Kailan ba pinakinggan ni PNoy ang sinasabi niyang boss daw niya? Maraming umaray sa pagtaas ng MRT fare? Pinakinggan ba niya ang mga ito? Hindi po. Yung mga incompetent at tiwali niyang cabinet secretary na isinusuka ng taong bayan  at ipinasisibak sa kanya, pinakinggan din ba niya? Hindi. Marami pa pong pangyayari in the past na nagpapakita ng katigasan ng kanyang ulo, kaya dapat lang na isama ito sa kung anong klaseng lider meron tayo.

Dumako naman tayo sa latest speech ni President Benigno Aquino III. Mahigit nang isang buwan mula nang mangyari ang Mamasapano massacre pero kung baga sa  kumunoy, ito ang patuloy na humihila pababa sa kanya. Sa bawat “buka” ng kanyang bibig, lalong nakikilala kung anong klaseng lider meron tayo. So, nadagdagan na naman ang humahaba kong listahan kung anong klaseng lider si President Noynoy Aquino. Ayon sa kanya, nabola raw siya ni General Napenas sa isinagawang Operation Exodus na nagresulta sa kamatayan ng fallen 44. Dahil dito, siya ang “lider na madaling bolahin”.  Sa kagustuhan niyang isalba ang  sarili, at ang kanyang best friend forever na si General Purisima sa pananagutan sa Mamasapano massacre, kay General Napenas niya ibinunton ang sisi. So, tatawagin na rin natin siyang  ang “lider na maninisi”.  Sabagay, hindi na ito bago. Di nga ba’t lagi niyang isinisisi kay ex President Gloria Macapagal Arroyo kapag may palpak na nangyayari sa kanyang administration gayong halos malapit nang magtapos ang kanyang termino?

Idaragdag ko na dito ang isang pinaka-pangit na ugali ni PNoy bilang lider.  Siya ang “lider na sinungaling”.  Bakit? Sa paulit-ulit ko kasing pagbabasa sa kanyang mga naging speech mula noong humarap siya after Mamsapano massacre hanggang nitong huling mag-speech siya sa harap ng mga spiritual leaders, ang daming inconsistencies akong nakita sa kanyang mga naging statement. Kung nasa harap siya ng korte at ganito ang kanyang magiging pahayag, tiyak na talo na siya sa kaso  Hindi kaya hinihimay o pinag-aaralan muna ni PNoy ang kanyang mga pinagsasasabi bago ito sambitin sa harap ng publiko? O, iniisip niyang mga tanga ang taong bayan at hindi nag-aanalisa? Lies, lies and lies. Ito ang ibinubuka ng bibig ni President PNoy sa bawat katagang binibigkas niya. Ebidensiya ito na nagsisinungaling siya at tayong taong bayan ang kanyang binobola.