Tanim Bala Modus: A reflection of Incompetent Leadership

Ako bilang isang malayang mamamayan na may malayang pag-iisip ay parang nakaharap sa salamin. Pinanonood ko ang mga binabalak, ginagawa, sinasabi at decision making ng ating presidente bilang lider ng bansa  .Noong maluklok si P-Noy bilang pangulo ang dami kong magagandang iniisip sa sinasabi niyang tuwid  na daan”.  Inakala kong isa siyang de-kalidad at matalinong  lider na nasasalamin ko sa kanyang yumaong ama (Ninoy). Pero sobra akong nadismaya. Sa  unang arangkada pa lang ng kanyang pamumuno, nakita ko na agad ang kanyang pagiging incompetent sa paghawak ng Luneta hostage crisis na kanyang binalewala. Ang resulta, lumikha ito ng sobrang kahihiyan sa Pilipinas dahil sa pagkamatay ng ilang Hongkong nationals.

Sa nalalapit na pagtatapos ng panunungkulan ni P-Noy meron na namang nagbigay sa Pilipinas ng kahihiyan. Ang“tanim  bala modus” sa Ninoy Aquino International Airport. Hindi lang sa ating bansa naging viral ang isyung ito. Naging worldwide rin dahil umani ng pansin at pagpuna sa ibang bansa na meron palang ganitong katarantaduhang nangyayari sa Pilipinas. And yet ang administrasyong P-Noy together with his DOTC Secretary na apo ng nagpapatay daw kay Bonifacio at Heneral Luna, as usual ay tila minamaliit ito as if “isolated case” lang na pinalalaki. Ganito “kahunghang” ang gobyernong ito na pinamumunuan ng pinaka-tangang lider sa ating bansa. Isang lider na manhid at kunsintidor.

Jose Angel Honrado

NAIA General Manager

Sa pagdinig ng senado tungkol sa tanim bala modus, may napansin akong similarities ni P-Noy sa itinalaga niyang general manager ng NAIA, na si GM Jose Angel Honrado. Hindi lang sa looks, katulad din pala itong T-A-N-G-A ni P-Noy. Sa tugon nitong, hindi raw saklaw ng kanyang awtoridad ang mga tanggapang nasa ilalim ng kanyang pamamahala sa NAIA ako “nagimbal”, at labisna “nadismaya”. Aba’y bakit pa nagtalaga ng general manager sa NAIA kung ganito pala ka-tanga at ka-incompetent ang in-appoint ni P-Noy  sa ating International airport. Bilang isang mamamayang Pilipino nanakikinig, nanonood at nagmamasid, may karapatan akong maghayag ng aking saloobin at pananaw. I’am entitled to my own opinion (freedom of speech)

Ito ang depekto sa administrayon ni P-Noy,  mahilig balewalain ang isyung akala nila ay ga-kuto lang. Nagugulantang na lang sila na umabot na pala ito sa apat na sulok ng mundo. Parang hindi sila aware na sa pamamagitan ng social media, lalaki at lalawak ito na parang epidemya.  Gaya ng blog kong ito na maaaring minamaliit lang nila, pero who knows, marami ditong nagbabasang mga Filipino na nasa iba’t ibang bansa at namumulat ang kanilang pang-unawa. Katunayan hindi lang para sa tao, ang mga komentaryo ko dito. Ipinaaabot ko rin ito sa ITAAS at idinudulog sa KANYA sa aking mga panalangin. Naniniwala kasi ako sa POWER of PRAYER.

Ito namang si P-Noy, mahilig ding magtalaga ng mga taong kung hindi corrupt, T-A-N-G-A naman at incompetent (kamag-anak, kaibigan, ka-klase at kabarilan or apat na K or KKKK) Meron din naman siyang mga alipores (cabinet secretaries) na matatalino. Ang problema, “matatalinong hudas” sa paggawa ng “pagkakaperahan” dahil sa mga sweetheart deal na pinapasok nila sa mga private corporation na nakikipag-transaksiyon sa gobyerno sa specific na proyekto. Wala silang pakialam sa mga pobreng taxpayers na ginagamit nilang pang-salo sa “hirap” “dusa” at “pasakit” sa mga “sovereign guarantee” na kanilang ibinibigay sa mga hinayupak at ganid na negosyante (corporate greed).  Pati ang tax nila bilang isang nagnenegosyo ay ipinaaako pa rin sa mga mamamayang Filipino at bawal sa kanila ang malugi.

Sabagay, konting tiis na lang naman ang ating ipaghihintay mga kabalat ko. Lalayas na rin sa palasyo ng Malakanyang ang pinaka-tanga at manhid na lider natin. Ngayon, kung gusto ninyong ipagpatuloy at palawakin pa ang baluktot nilang daan na sa panaginip lang yata nila nakikita, iboto ninyo si Mar Roxas na sumumpang ganito ang kanyang gagawin (ayon sa kanyang political ads). Kung ang iniisip naman ninyo ay SOBRA NA, TAMA NA, KALUSIN NA, ang hanapin ninyo ay ang ideal na maging alternative. Apat lang naman silang presidential contender na inihalintulad ko sa binibili nating prutas, kung hindi na makakahabol ‘yung pang-lima na HINOG SA PILIT (Duterte).

Isang BULOK (Binay), isang LAMOG (Roxas), isang MANIBALANG (Poe) at isang baka (may duda) bigla na lang MAPANAT (Santiago). 

Vote wisely na lang mga kabalat!!!!