The Re-Opening of the Mamasapano Massacre Investigation

The Mamasapano Massacre

Kamakailan ay nagpahayag  ang Senado, particularly ang committee na pinamumunuan ni Senator Grace Poe na muling bubuksan ang pagdinig sa Mamasapano Massacre sa kahilingan ng pinaka-senior na Senador na si Juan Ponce Enrile na hindi nakapag-participate noon dahil nakakulong pa.  Ayon sa gurang na senador, meron daw siyang mga hawak na bagong ebidensiya na makapagpapatunay sa kung sino talaga ang dapat sisihin at papanagutin sa pagkamatay ng SAF 44. Para sa akin, it’s a welcome development. Ang totoo, kahit hindi na buksan ang pagdinig sa naturang kaso, naipahayag ko na sa aking mga naunang komentaryo at artikulo ang aking sariling pananaw na si President Benigno Aquino III ang may kasalanan at dapat papanagutin. Pero kung meron ngang mas malakas na ebidensiyang hawak si Senator Juan Ponce Enrile at mas makapagpapatibay sa culpability ni P-Noy, e, di, WOW. Siguradong makakasuhan na siya pagbaba sa kanyang puwesto at magagamit ang ebidensiyang sinasabi ni Enrile para siya mas madiin.

Kahit nasasangkot sa pandarambong si Senator Enrile at isa sa pinaka-hate kong senador na naging subject din ng aking mga kritisismo noong mga nakaraang taon, ang kanyang “talino” naman ay tila hindi nabawasan kahit pa nga nadaragdagan ang kanyang idad. Malay natin, baka kapag siya na ang gumigisa at nagtatanong sa mga dati ng natanong na mga resourse persons ay makahugot siya ng mga kasagutang hindi pa nasasagot noon at pi-pinpoint mismo kay P-Noy sa kanyang tunay na pananagutan sa ilalim ng ating batas.

Aabangan ko ang pagdinig na ito sa senado at excited ako sa magiging technique at mga explosive questions ni Senator Enrile. Hindi nga ba’t noong panahon ng impeachment trial ni Chief Justice Renato Corona, tanging siya ang nakipagtagisan ng talino na ipinang-tapat sa mahusay na abugado nito na si retired SC Justice and now deceased Serafin Cuevas. Gusto ko ring masaksihan muli ang mga facial expressions ng mga resourse person mula sa AFP na muling matanong ganoon din ang mga cabinet secretaries na direktang may nalalaman sa pagtatakip kay P-Noy bilang pangunahing culprit sa kamatayan ng SAF 44.

Ang re-opening na ito ang magsisilbing “multo” na tatakot kay P-Noy. Muli ring mananariwa sa kanya ang pinakamalaki niyang “blunder” o pagkakamali sa kanyang buong buhay bilang isang lider ng ating bansa. Ang makinig sa “advice” ng kanyang mga “adviser” at the expense of the lives of SAF 44. “ Forty-four human lives” ito at hindi forty-four chicken lives na mistulang kinatay ng mga rebelde at teroristang MILF na kaulayaw ni P-Noy. Hindi rin isang video game ang nilaro ni P-Noy noon na kapag na-game over ay may tsansa pa siyang makabawi para manalo.

Anyway, it’s now a thing in the past. Alaala na lang ang lahat pero ang hindi natin mapapasubalian ay ang patuloy pa ring paghahanap ng “hustisya” sa kamatayan ng SAF 44 at sa kung sino ba talaga ang dapat managot sa kanilang kamatayan. May “utang na dugo” siya (sila) at ewan ko kung bakit “napaka-manhid” at wala yata talaga silang “budhi” o “kunsensiya”. Nakapamumuhay pa sila ng normal sa kabila ng katotohanang, dahil sa kanilang advice (pertaining to the adviser) at sa tumanggap ng advice at nagdesisyong sundin ito (pertaining to the one who took the advice and obeying it),  isang napakalaking “trahedya” ang naganap.

Justice to SAF 44!!!!!