Pinipigil
ko sanang magmura at maging behave sa aking pagkokomentaryo sa aking blog pero
sa nabasa kong column ni Jarius Bondoc, tungkol sa ginagawang pagmamanipula ng
ilang “hijo de putang” nasa National
Food Authority (NFA) talagang umakyat
ang dugo ko sa ulo. Kailan pa ba kayo titino mga “putang ina ninyong mga taga
NFA.” Hanggang kailan ba ninyo pagkakaperahan ang NFA rice at paulit-ulit
kayong gagawa ng “raket” at the
expense of the hungry and poorest of the poor citizen in our country. Panahon
pa ng ibang administrasyon, particularly sa Noynoy administration kung saan ang
pinaka-corrupt niyang Secretary of Agriculture ang naka-upo ay hinohokus-pokus
na ninyo ang bigas para kayo magkamal ng salapi, sa panahon bang ito ni
President Digong Duterte at ni Secretary Manny Pinol ay ganoon pa rin ang asal
ninyo. Sagad na ba talaga sa buto ang inyong kasibaan at kasakiman sa pera at
bumula man ang bibig ni President Digong na corruption must stop, tuloy pa rin
ang ligaya ninyo? Never mind the police and soldiers na dinoble na ang suweldo
dahil meron na silang pambili ng “mahal
na bigas” courtesy of President Digong Duterte na alagang alaga sila. Ang
pinag-uusapan natin ngayon ay ‘yung sector na pinakamahirap o nasa below
poverty line at umaasa sa abot kayang bigas na ibinebenta ng NFA. Sila na
pinipilahan ang murang bigas dahil iyon lang ang kaya nilang bilhin. Ang mga
sikmura nila ang pinaglalaruan ninyo mga “ulol”.
Malaki
ang respeto ko at tiwala sa Secretary of Agriculture ngayon na hindi siya
kasing corrupt ni Proseso Alcala, pero dahil siya ang kalihim ng Kagawaran ng
Pagsasaka hindi ko maiwasang mag-isip kung ano ang ginagawa niya. Sinasabi ng
DA na sapat daw ang supply ng bigas at hindi dapat mag-alala ang taong bayan.
Okey naroon na ako, pero iyong “murang
bigas” ang ibigay ninyo sa mga taong umaasa sa NFA rice at hindi yung
commercial rice na hindi nila afford bilhin. Common sense lang ang gamitin ninyo and I knew president Digong
Duterte have a lot of common sense pagdating sa ganitong usapan. O, baka sa
katagalan ay nagiging “manhid” na
rin siyang tulad ni Noynoy dahil wala siyang iniisip kung hindi mangako nang
mangako sa pagdoble ng suweldo gayong hindi niya naman niya iniisip kung saan
kukunin ang pondo. Sa TRAIN LAW? Ano ngayon ang resulta? Di ba’t mataas na
inflation rate ang naging bunga na
ipinagdurusa ngayon ng mga apektadong minimum wage earner at sa mas
nakararaming below minimum wage workers.
Ang
masasabi ko lang sa administrasyong ito, “pugutan
ninyo ng ulo” ang mga nasa NFA na nagmamanipula at gumagawa ng raket sa
bigas. Ang sabi ko nga at paulit-ulit ko itong sasabihin. Ang bigas ay “butil ng buhay”. Huwag ito ang inyong
paglaruan. “Sikmura” ng taong mahihirap
ang gugutumin ninyo. Pabahain o paapawin man ninyo sa bigas ang merkado, kung
abot langit naman ang presyo, wala ring saysay. Ito ang tutukan ninyo. Maintain
the price of rice in a level that they can still afford to buy. Kasi hindi
magtitiyagang pumila ang libo-libo nating consumers kung meron silang pambili.
Manalangin
po tayo
Panginoon
po naming Diyos na makapangyarihan sa lahat, muli po kaming lumalapit at
dumudulog sa IYO. Pasensiya na po kung
nakapagbitaw man ako ng mahayap na salita sa mga taong pinatutungkulan
ko sa aking komentaryo. Tao lang po ako na madaling madala ng emosyon, dahil
ang sikmura po ng taong bayan ang pinaglalaruan nila at inilalagay sa
pagka-gutom. Sa pagkakataong ito, nawa’y ikaw na po ang gumawa ng paraan o
gumamit ng kakasangkapanin para malantad ang mga taong patuloy na gumagawa ng kasamaan, kasibaan at
kawalang malasakit sa kanilang kapwa. Sila pong nangangasiwa sa “bigas” na
“butil ng buhay”. Sila pong nagnanais magkamal ng salapi at nakikipagsabwatan
sa mga buwayang negosyante ng bigas. Ibagsak mo po sa kanila ang “tabak ni
Damocles” na puputol sa kanilang mga sungay para maibsan ang galit na namamahay
sa aming mga puso. Sila po ay hindi nararapat maupo sa kanilang puwesto kahit
isang minuto, kaya bigyan mo rin po ng kalinawan ng isip ang mga nasa poder ng
kapagyarihan na kakasangkapanin mo para sila na ang gumawa ng pagkilos at
pagpapatupad dito.
Umaasa
kami o, Diyos na makapangyarihan sa lahat na nakaabot sa IYO ang aming
panalanging ito sa pangalan ng IYONG anak
at aming tagapagligtas na si Hesukristo.
Amen
No comments:
Post a Comment